 |
निर्माणको समयदेखि नै चर्चामा रहेको ‘वीर विक्रम’लाई मिलन चाम्सले निर्देशन गरेका हुन् । मिलनले बनाएको चलचित्र ‘हँसिया’ले नेपाली चलचित्र क्षेत्रमा मात्र नभएर विभिन्न देशमा पनि खुबै चर्चा कमाएको थियो । लभ, एक्सन र कमेडी जनराको यो चलचित्रमा शिव प्रसाद राई, अनिला राई, पृथ्वी राई, वेनिशरा राई सह–निर्माताको रुपमा छन् । चलचित्रमा दयाहाङ राई, अर्पण थापा, अनुप विक्रम शाही, दिया पुन, नाजिर हुसेन, विभेक लिम्बु, शिशिर राना र वसन्त भट्ट मुख्य भूमिकामा छन् ।
ताराप्रकाश लिम्बुको संगीत, रेनशा वान्तवा राइको कोरियोग्राफी, सम्राट बस्नेतको एक्सन, अर्जुन जीसीको सम्पादन र राज कुमार केसीको चलचित्रमा छायांकन छ । चलचित्रको कथा यम थापाले लेखेका हुन् । यसैविच, यो चलचित्रको प्रिमियर हङकङबाट गरिने भएको छ । मार्च २८ तारिखमा चलचित्रको भव्य प्रिमियर हङकङमा गरिन लागेको निर्देशक तथा निर्माता मिलन चाम्सले बताए । यस्तै, अप्रिल २ तारिखमा चलचित्रको भव्य शो वेलायतमा गरिनेछ ।
यसपटक चलचित्र निर्माणमा वहुतै मिहिनेत गरिएको भन्दै निर्देशक चाम्सले दयाहाङ राइदेखि अर्पण र अनुप विक्रम शाहीलाई फरक गेटअपमा प्रस्तुत गरेको बताए । यो चलचित्रमा दयालाई एक्सन, कमेडीदेखि नृत्य गर्दै गरेको अवस्थामा देखिने मिलनको दाबी छ ।
|
Post a Comment